पर्साको निर्वाचन क्षेत्र नं १ मा प्रतिनीधि सभा सदस्य तर्फ स्वतन्त्र उम्मेदवारी दिनुभएका अजय द्विवेदीले चाडपर्वको समयमा पनि चुनावी गतिविधिलाई निरन्तरता दिएका छन् ।
चुनावी अभियानका क्रममा आज वडा नं ३२ टेंढामा घरदैलो कार्यक्रम गरिएको हो । भने वडा नं ३१ बेल्वामा नेता कार्यकर्ताहरुसँग भेटघाट र छलफल गरिएको नेता द्विवेदीले बताउनुभयो ।
नेपाली काँग्रेसका पूर्व जिल्ला सभापति समेत रहेका नेता द्विवेदीले टिकट वितरण गर्दा आफूलाई अन्यायमा पारिएको भन्दै स्वतन्त्र तर्फबाट प्रतिनीधि सभा सदस्य पदमा उम्मेदवारी दिनुभएको थियो ।
बैशाख २३ गते मनोनयन दर्ता गरेपछि डेंगु संक्रमण भएका कारण घरदैलो अभियानमा सहभागी हुन सक्नुभएको थिएन ।
डेंगु संक्रमणमुक्त भए लगत्तै उहाँ जनताको घरदैलोमा पुगेर मत माग्नेदेखि नेता कार्यकर्ता भेटघाट जस्ता चुनावी गतिविधिमा सक्रिय हुनुहुन्छ ।
पर्सा क्षेत्र नं २ मा बाम लोकतान्त्रिक गठबन्धन र एमाले लोसपा गठबन्धनका उम्मेदवारहरुलाई नेता द्विवेदीले टक्कर दिने अनुमान गरिएको छ ।
