मतदाता स्वस्फूर्त उत्रिँदा दलीय गठबन्धनलाई भारी पर्दै स्वतन्त्र उम्मेद्वार सिंह

बिरगंज ,०१ कार्तिक ।पर्सा क्षेत्र नम्बर २ (ख) का स्वतन्त्र उम्मेद्वार रुपेशमान सिंहको मतदाता भेट कार्यक्रम निरन्तर जारी छ ।
स्वतन्त्र उम्मेद्वारी सिंहको पक्षमा मतदान गर्न आह्वान गर्दै मतदाताले नै स्वस्फूर्त थालेको घरदैलो अभियानको आज तेस्रो दिन वीरगञ्जको वडा नम्बर १ बजार छपकैयाँका मतदाताको घरघर पुगेका छन् ।
सिंहलाई मतदाताहरुले घरघरमा स्वागत गर्दै पार्टीका उम्मेद्वारबाट कुनै काम नभएकाले अब स्वतन्त्र उम्मेद्वार सिंहलाई विजयी बनाउन मतदान गर्ने बताए ।
स्वतन्त्र उम्मेद्वार सिंहको पक्षमा मतदान गर्न आह्वान गर्दै गाउँगाउँबाट स्वस्फूर्त मतदाताहरु आफैँ अभियानमा सरिक भइरहेका छन् ।
घरघरबाट स्वतन्त्र उम्मेद्वार सिंहलाई जिताउने अभियानमा मतदाता नै उत्रिए पछि यस क्षेत्रमा दलीय गठबन्धनका दुबै उम्मेद्वारका लागि सिंह भारी परेका छन् ।
सिंहको एमाले जसपा गठबन्धनका उम्मेद्वारसँग प्रतिष्पर्धा देखिए पनि सत्तारुढ गठबन्धनका उम्मेद्वार पछाडी छन् । तर अहिले घरघरबाट मतदाता नै स्वतन्त्र उम्मेद्वार सिंहलाई जिताउने अभियानमा स्वस्फूर्त लाग्नुले सिंहको लोकप्रियता बढ्दै गएको देखिएको छ ।
आज तेस्रो दिनको घरदैलो अभियानमा स्थानीय मतदाताका सँगै अग्रज, युवा, महिला एवं बुद्धिजिविहरुको सहभागिता थियो ।