वीरगञ्ज । वीरगञ्जमा सम्पन्न भएको प्रो–क्लब च्याम्पियनसिप क्रिकेट प्रतियोगिताको उपाधि नेपाल पुलिस क्लबले जितेको छ।
शनिबार वीरगञ्जको नारायणी रंगशालामा भएको फाइनल खेलमा पुलिसले पर्सा–११ लाई हराउँदै उपाधि हात पार्न सफल भएको हो। पुलिसले पर्सा–११ लाई एक सय रनले हराएको हो।
टस जितेर पहिले ब्याटिङ गरेको पुलिसले निर्धारित २० ओभर खेल्दै आठ विकेटको क्षतिमा १ सय ४५ रन बनाएको थियो।
१ सय ४६ रनको लक्ष्यका साथ मैदानमा उत्रिएको पर्सा–११ मात्र ४५ रनमा समेटिएपछि उपाधिमाथि पुलिसले कब्जा जमाएको हो।
पर्सा ११ का कप्तान सन्दीप लामिछानेले भने फाइनल खेलेनन्। यसअधि शुक्रबार भएको सेमिफाइनलसम्म खेलेका लामिछाने शनिबारको खेलेनन्। लामिछानेलाई काठमाडौँ जिल्ला अदालतले शुक्रबार बलात्कार मुद्दामा दोषी ठहर गरेको थियो।
आफ्नो प्रतिक्रिया दिनुहोस
