वीरगंज, चैत १४। पर्साको सखुवा प्रसौनी गाउँपालिकामा ४६ जना छात्राहरुलाई साईकल प्रदान गरिएको छ।
छोरी शिक्षालाई प्रवद्र्धन गर्ने उद्देश्यले वडा नं ५ महुवनमा रहेको श्री नेपाल राष्ट्रिय माध्यमिक विद्यालयमा अध्यनरत कक्षा ११ का छात्राहरुलाई साईकल प्रदान गरिएको हो।
पालिका प्रमुख यादवले साइकल प्रदान गर्दै साइकलले विद्यालय उपस्थितिमा नियमितता र छात्राहरूमा आत्मविश्वास बढाउनुका साथै पढाईमा उत्प्रेरित गर्ने बताउनुभयो । उहाँले महिला सशक्तीकरणका लागि साईकल बितरण गरिएको जानकारी दिनुभयो ।
सो अवसरमा शिक्षा शाखा प्रमुख ईन्दु नेपाल,विद्यालयका प्राध्यापक रामनरेश यादव,प्राबिधिक शाखा प्रमुख रामबाबु पटेल, शिक्षकहरू रामबहादुर यादव, उमेश रौनियार, राकेश साह, शिव पटेल प्रमोद पान्डे, बाशुदेव साह, स्थानिय जदु साह,सन्देश साह,रामबालक यादव,निरज यादव,अमिताभ साह,उमेश साह,माधव शाह, लगायतको उपस्थिति रहेको युवा नेता दिपराज यादवले जनकारी दिए।
