वीरगन्ज ,३०फागुन । विद्युत चाेरी गरि प्रयाेग गरेकाे आराेपमा पर्साकाे ग्रामीण भेगबाट ८ जना पक्राउ परेका छन् ।
नेपाल प्रहरी र सशस्त्र प्रहरीका साथमा नेपाल विद्युत प्राधिकरण पाेखरिया वितरण केन्द्रबाट खटिएको टाेलीले साेमबार राति विभिन्न गाँउबाट ८ जनालाई पक्राउ गर्नुका साथै १ थान विद्युतीय माेटर पनि नियन्त्रणमा लिएकाे छ ।
पक्राउ पर्नेहरुमा बिरन्चीबर्वाका असर्फी राउत र जवाहिर राम,झाैवागुठीका बाबर अली,पचरुखीका खेदन रायभर,हरदियाका सराेज यादव र मनमाेद प्रसाद यादव,बहुअर्वाका सुरेन्द्र रायभर र महुवनका जितेन्द्र राम रहेका छन् ।
पक्राउ परेकाहरुलाई आवश्यक कारबाहीका लागि इलाका प्रहरी कार्यालय पाेखरियामा बुझाइएको विद्युत प्राधिकरण पाेखरिया वितरण केन्द्रका प्रमुख जगर्नाथ झाले जानकारी दिए ।
आफ्नो प्रतिक्रिया दिनुहोस
