बीरगन्ज २९ मंसिर । नेपाल भारत सिमावर्ती रक्सौल नाका आइतबार रातीसम्मको लागी सिल भएको छ ।
बिहारमा हुन गइरहेको नगरपरिषदको निर्वाचिनका लागि रक्सौल-वीरगन्ज नाका को आवागमन बन्द गरिएको बुझिएको छ बिहारको रक्सौल नगरपालिकामा पुष ३ गते (डिसेम्बर १८ तारिक) नगरपरिषदको निर्वाचन छ ।
नेपाल वा भारत मा हुने कुनै पनि निर्वाचन अधि सुरक्षा को कारण दुबै देशको संयुक्त बैठक गरी ३ दिन सिमा सिल गर्ने गरिने गरिन्छ तर यसपटक कुनै पुर्व सूचना नदिएर भारतीय पक्षले बिहीबार दिउँंसो देखि रक्सौल नाकामा ढाट लगाई आवागमन बन्द गरेको छ ।
पुष ३ मा हुने नगरपरिषदको निर्वाचनका लागि भारतीय प्रशासनले बिहीबार दिउँसो १ बजे देखि पुष ३ गते (डिसेम्बर १८ तारिक) राति १२ बजे सम्म ७२ घण्टाका लागि नाका सिल गरेको हो । निर्वाचनका लागि वीरगन्ज नाका ७२ घण्टाका लागि सिल गरिएको रक्सौलका जिल्ला अधिकारी (डिएम) शीर्षत् कपिल अशोकले बताए ।
