बारामा सातवटा गाडिको ब्याट्री ट्राफिक कार्यालयको कम्पाउण्ड बाट चोरी

बारामा गाडी को व्याट्री चोरी भएको छ । कलैया उपमहानगरपालिका वडा नम्बर ५ मा रहेको सिचाई कार्यालयमा कलैया उपमहानगरपालिकाको ५ वटा गाडिको ७ वटा हेभी ब्याट्री चोरी भएको छ । बाराको अस्थायी ट्राफिक पोस्ट कलैयाको प्राङ्गण बाट ब्याट्री चोरी भएको छ । उपमहानगरपालिकाले हिजोबाट शुरु गरेको सरसफाइ महा अभियानलाई नै च्यालेन्ज गर्ने हिसाबले ठूलो मात्रामा चोरी भएको नगर प्रमुख बिनोद साहले जनाएका छन । कलैया उपमहानगरको ग्रेडरको १५० एमपियर को २ वटा ब्याट्री र ५ वटा ट्रयाक्टरको १०० एमपियर को ५ वटा ब्याट्री चोरी भएको नगर प्रमुख साहले जनाएका छन । अस्थायी ट्राफिक पोस्ट कलैयाको प्राङ्गण बाट समान चोरी हुनुलाई अत्यन्तै गम्भीरताका साथ लिनुपर्ने मेयर साहले जनाएका छन । ७ वटा ट्राफिक ४ जना कलैया उपमहानगरपालिकाको स्टाफ बस्ने गरेको स्थानबाट चोरी हुनु लज्जास्पद भएको प्रमुख प्रशासकिय अधिकृत नाथु साहले जनाए । साहले लगभग ३ लाखको हाराहारीमा पर्ने ब्याट्री चोरी भएको बताए । चोरी भएपनी आजैबाट नया ब्याट्री लगाएर भएपनि सरसफाइ महा अभियान लाई नरोकिने मेयर साहले बताएका छन । बारामा पछिल्लो समयमा चोरीको घटनामा वृद्धि हुदा नागरिक समाज चिन्तित भएको नागरिक समाज बाराका अध्यक्ष उमेशलाल दासले बताए ।
जिल्ला प्रहरी कार्यालय बाराका प्रहरी नायब उपरीक्षक राजेश थापाले अनुसन्धान शुरु गरेको र यथाशीघ्र चोरलाई पक्राउ गर्ने बताएका छन ।