घरको छतबाट खसेर महिलाको मृत्यु

जलेश्वर,। गौशालामा घरको छतबाट खसेर एक महिलाको मृत्यु भएको छ । महोत्तरीको गौशाला नगरपालिका– ५ एक घरमा डेरा गरि वस्दै आएका जलेश्वर नगरपालिका–४ सुगा घर भएको २६ वर्षीया पुनम महतोको मृत्यु भएको इलाका प्रहरी कार्यालय गौशालाका प्रहरी निरीक्षक रञ्जन मिश्रले जानकारी दिनुभयो ।
छतमा कपडा सुकाउनका लागि राखिएको कपडा राति साढे दश बजे तिर टिपने क्रममा खुट्टा चिप्लीएर अचानक पुनम छतबाट तल खसेकी उहाँको घटनास्थलमै मृत्यु भएको मिश्रले बताउनुभयो । मृतकको शव पोष्टमार्टमका लागि अस्पताल पठाइएको छ ।