वीरगञ्ज । पर्सा प्रहरीले भन्सार छली गरि नेपाल भित्राउदैँ गरेको झण्डै ७ लाख मूल्य बराबरको सामान बरामद गरेको छ । प्रहरीले ६ लाख ५४ हजार ६८५ मूल्य बराबरको विभिन्न किसिमका लत्ताकपडा तथा खाद्यान्न गएराती बरामद गरेको हो ।
विशेष सूचनाको आधारमा भन्सार छली १०–१२ जना अपरिचित व्यक्तिले टाउकोमा बोकेर मालवस्तुहरु वीरगञ्जतर्फ ल्याउदैँ गरेको अवस्थामा वीरगञ्ज महानगरपालिका–१६ रजतजयन्ती चोकस्थित सडकखण्डबाट नियन्त्रणमा लिएको ।
वडा प्रहरी कार्यालय विर्ता तथा प्रहरी चौकी ईनर्वाबाट खटिएको प्रहरी टोलीलाई देख्नासाथ तस्करहरु सामान छोडी फरार भएकाले विभिन्न लत्ताकपडा तथा चकलेटहरु बेवारिसे अवस्थामा फेला पारेको पर्सा प्रहरीले जनाएको छ ।
बरामद सामानलाई आवश्यक कारवाहीका लागि आजै वीरगञ्ज भन्सार कार्यालयमा बुझाईएको पर्साका प्रहरी प्रवक्ता डिएसपी दिपक गिरीले बताउनुभयो ।
आफ्नो प्रतिक्रिया दिनुहोस
