वीरगञ्ज । राष्ट्रपतिले नागरिकता विधेयक प्रमाणीकरण गरेकाे खुशीमा जनता समाजवादी पार्टी (जसवा) नेपालका युवा-विद्यार्थी नेताहरुले वीरगञ्जमा दीप प्रज्वलन गरेका छन् ।
जसपा निकट समाजवादी विद्यार्थी युनियन र समाजवादी युवा संघका नेता कार्यकर्ताहरुले वीरगन्जकाे घण्टाघर चाेकमा बुधबार बेलुकी नागरिकता विधेयक प्रमाणीकरण भएकाेमा दीप प्रज्वलन गरि खुशीयाली मनाएका हुन् ।
नागरिकता प्रमाणीकरण गर्ने राष्ट्रपति रामचन्द्र पाैडेलकाे कदमकाे स्वागत गर्दै दीप प्रज्वलन गरि खुशीयाली मनाइएकाे समाजवादी विद्यार्थी युनियनका केन्द्रीय सचिव निखिल वर्णवालले बताए ।
वर्णवालकै अध्यक्षता एंव जिल्ला समन्वय समिति पर्साका प्रमुख अजय सर्राफकाे प्रमुख आतिथ्यतामा भएकाे दीप प्रज्वलन कार्यक्रममा समाजवादी युवा संघका सचिव सराेज यादवका साथै नागरिकता विहिन संघर्ष समितिका पदाधिकारी र सदस्यहरुकाेपनि सहभागीता थियाे ।
