वीरगञ्ज । मधेश प्रदेशको वन तथा वातावरण मन्त्रीमा पर्सा निर्वाचन क्षेत्र नम्बर २ (ख) मा लोकतान्त्रिक समाजवादी पार्टी (लोसपा) बाट प्रदेशसभा सदस्य रमेशप्रसाद कुर्मी नियुक्त भएका छन् ।
मधेश प्रदेशको मुख्यमन्त्री सरोजकुमार यादवले यस हप्ता दोस्रो पटक मन्त्रीमण्डल विस्तार गर्दै कुर्मीलाई वन तथा वातावरण मन्त्रीमा नियुक्त गरेका हुन् ।
यसअघि वन मन्त्रालयको जिम्मेवारी यसअघि मुख्यमन्त्री सरोजकुमार यादवले सम्भाल्दै आएका थिए ।
नवनियुक्त मन्त्री कुर्मीको सपथ ग्रहण कार्यक्रम आजै साँझ ५ बजे राखिएको उनका स्वकीय सचिव फिरोज शेखले जानकारी दिए ।
आफ्नो प्रतिक्रिया दिनुहोस
