वीरगञ्ज,१९ वैशाख । नेपालमा प्रतिबन्धित रहेको ५ लाख ७५ हजार भारतीय रकम सहित वीरगञ्जबाट प्रहरीले दुईजनालाई पक्राउ गरेको छ ।
पक्राउ पर्नेमा भारत उत्तर प्रदेश जिल्ला गोरखपुर ग्राम महूई सुघरपुर बस्ने वर्ष ४२ को बिनोद कुमार गुप्ता र भारत विहार जिल्ला मोतीहारी ग्राम करमवा रघुनाथपुर बस्ने वर्ष ३९ को अमित कुमार सिंह रहेका छन ।
वडा प्रहरी कार्यालय विर्ता र प्रहरी चौकी ईनर्वाबाट खटिएको संयुक्त चेकिङ टोलीले भारतबाट वीरगञ्जतर्फ संकास्पद पैदल हिँडी आउदै गरेको गुप्ताले पछाडि भिरेको निलो रंगको झोलामा प्रतिबन्धित भारतीय ५ सय दरको ३ सय ६३ थान, २ सय दरको १३ थान, १ सय दरको १ सय ४५ थान, ५० दरको २८ थान गरी दुई लाख फेला परेको पर्साका प्रहरी उपरिक्षक कोमल शाहले जानकारी दिए ।
साथै रजतजयन्ती चोक स्थित सडकखण्डमा चेकजाँच गर्ने क्रममा वीरगञ्जबाट रक्सौलतर्फ संकास्पद रूपमा हिडिँरहेका सिंहलाई चेकिङ टोलीले चेकजाँच गर्ने क्रममा निजले बोकेको झोलाभित्र लुकाई छिपाई राखिएको भारतीय प्रतिबन्धित २ हजार दरका २१ थान,५ सय दरको ६ सय ४४ थान, २ सय दरको ३३ थान, १ सय दरको ४५ थान र ५० दरको १४ थान गरी भारतीय ३, लाख ७५ हजार ८ सय फेला परेको प्रहरी उपरिक्षक शाहले जानकारी दिए ।
बरामद रकम सहित दुवैजनालाई थप आवश्यक कार्यवाहीको लागी राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साले जनाएको छ ।
