वीरगञ्ज । पर्सामा कार्यरत सशस्त्र प्रहरी बलका प्रहरी उपरीक्षक (एसपी) सुमन थपलियाको निधन भएको छ ।
थपलियाले शनिबार बिहान करिब साढे १० बजेको समयमा सशस्त्र प्रहरी बल नेपाल १३ नम्बर गणमा सहकर्मीहरूलाई आफूलाई असजिलो महसुस भएको बताएका थिए ।
४३ वर्षीय थपलियाको हृदयाघातका कारण निधन भएको बताइएको छ । साइक्लिङ गरेर करिब १० बजे कार्यालय फर्किएका उनले सहर्मीहरूलाई ‘छातीमा असजिलो महसुस भएको’ भनेका थिए ।
लगत्तै बेहोस भएका उनलाई उपचारका लागि मेडिसिटी अस्पताल वीरगन्जमा भर्ना गरिएको थियो । करिब १ घण्टा उपचार गरे पनि उनलाई बचाउन नसकेको चिकित्सकले जनाएका छन् ।
नुवाकोट पुर्ख्यौली घर भएका उनी सशस्त्र प्रहरीको तेस्रो ब्याचका प्रहरी निरीक्षक थिए ।
आफ्नो प्रतिक्रिया दिनुहोस
