वीरगञ्ज । सशस्त्र प्रहरी वल नेपाल प्रस्तावित सिमा सुरक्षा गुल्म बिरगंजले बिल बिजकमा उल्लेख भए भन्दा बढी सामान बोकेको ट्रक नियन्त्रणमा लिएको छ ।
विशेष सुचनाको आधारमा आज बिहान पौने चार बजेको समयमा बिरगंज महानगरपालिका – ८ घण्टाघर स्थित सडक खण्डबाट बिरगंजबाट पोखरातर्फ जादै गरेको ना.४.ख २६४१ नम्बरको ट्रक सप्रनाउ राम जंग पाण्डेको कमाण्डमा खटिएको टोलिले नियन्त्रणमा लिएको हो ।
किराना सामानहरु रहेको उक्त ट्रकमा बिलबिजकमा मुल्य रु ३१लाख ७३हजार ४सय २५ (भ्याट सहित) बराबरको उल्लेख भएको बिल बिजक भन्दा बढी र फरक सामान भएको आशंकामा सामानहरु सहित नियन्त्रणमा लिएको ट्रकलाई आवश्यक अनुसन्धान र कारर्वाहीको लागी राजश्व अनुसन्धान कार्यालय पथलैयामा पठाईएको जानकारी गुल्मले गराएको छ।
आफ्नो प्रतिक्रिया दिनुहोस
