वीरगञ्ज । स्वच्छ समाज युवा क्लब द्धारा २०७९ मा उतिर्ण एसिइ विद्यार्थीलाई सम्मान गरिएको छ ।
परवानिपुर गा.पा वडा ५ मा रहेका विद्यार्थीलाई एक कार्यक्रम को आयोजना गरि उतिर्ण सम्पूर्ण बिद्यार्थी लाई प्रमाणपत्र दिई उज्ज्वल भविष्य तथा प्रगतिको कामना सहित सम्मान गरिएको हो ।
सम्मानित हुने विद्यार्थीहरुमा सन्ध्या साह, हिमांशु कुमार यादव, अञ्जली कुमारी पटेल लगायत ७० जनालाई बिद्यार्थीलाई सम्मान पत्र बितरण गरेका थिए । निजि तथा सामुदायिक बिधालयका सहभागी सम्पूर्ण बिद्यार्थीलाई सम्मान पत्र बितरण गरिएको थियो ।
कार्यक्रमका प्रमुख अतिथी समाज सेवी डाक्टर शिवशंकर यादवले सम्मानीत विद्यार्थीहरुलाई अगामी भविष्यको शुभकामना दिदै अल्बर्ट आइंस्टाईन जस्तै सफल बेक्तित्व बन्न शुभकामना दिएका थिए । उनले शिक्षाका साथै समाजमा पनि सेवा गर्न विद्यार्थीहरुलाई आग्रह गरेका थिए ।
परवानिपुर गा.पा वडा नं ५ का वडा अध्यक्ष रामेश्वर साह कालवारले पास गर्ने सबै विद्यार्थीहरुलाई बधाई र अझ राम्रो पढाइगरी ठूलो व्यक्ति बन्न शुभकामना दिए । कार्यक्रम मा सहभागी वक्ताले आफ्नो विद्यार्थी को भबिस्य उज्ज्वल तथा उन्नति कसरी गर्न सकिन्छ बारे चर्चा गरिएको थिए । क्लब ले चालेको यो कदम बारे वडा सदस्य मा निर्वाचित दारासिंह पटेलले प्रसंसा गरेका थिए ।
कार्यक्रमको अन्त्यमा क्लबका अध्यक्ष भूपेन्द्र पटेलले कार्यक्रमलाई सफलता पार्न उपस्थित सम्पूणर् अतिथी, विद्यार्थी, क्लबका सदस्य सबैलाई धन्यवाद, दिदै+२ पढन चाहने गरीब, असाहाय, मिहिनेती विद्यार्थीहरुलाई वडा अध्यक्षको सिफारिसमा निःशुल्क रूपमा पढाउने घोषण गरे ।
कार्यक्रममा स्वागत मन्तव्य क्लबका सदस्य आनन्द पटेलले गरेका थिए भने कार्यक्रमको सञ्चालन क्लबका सचिव त्रिलोक प्रताप सिंहले गरेका थिए । स्वच्छ समाज युवा क्लब का अध्यक्ष भूपेन्द्र पटेलको अध्यक्षता कार्यक्रम सम्पन्न भएको थियो ।
