आज सुनचाँदीको कारोबार गर्दै हुनुहुन्छ ? कति छ मूल्य ?

काठमाडौँ । नेपाल सुनचाँदी व्यवसायी महासङ्घका अनुसार आज बिहीबार सुनको भाउ स्थिर रहेको छ भने चाँदीको भाउमा गिरावट आएको छ । महासङ्घको मूल्यसूची अनुसार आज छापावाल सुनको मूल्य प्रतितोला १ लाख ११ हजार ६ सय रुपैयाँ तोकिएको छ भने तेजावी सुनको भाउ १ लाख ११ हजार ५० रुपैयाँ रहेको छ ।

यता, चाँदीको मूल्यमा भने आज प्रतितोला १५ रुपैयाँले गिरावट आएको महासङ्घले जनाएको छ । यसअघि प्रतितोला १ हजार ४ सय ४५ रुपैयाँमा कारोबार भएको चाँदीको मूल्य आज घटेर १ हजार ४ सय ३० रुपैयाँमा कारोबार हुने भएको हो ।