वीरगञ्ज । संघीय सरकारका उद्योग वाणिज्य तथा आपुर्ति मन्त्री रमेश रिजालको स्वकिय सचिवमा नेपाली कांग्रेसका युवा नेता राकेश यादव नियुक्त भएका छन् ।
पर्साको बहुदरमाइ नगरपालिका वडा नम्बर २ निवासी यादवलाई मन्त्री रिजालले स्वकीय सचिवमा नियुक्त गरेका हुन् । नेपाल विधार्थी संघका पूर्व जिल्ला सभापति समेत रहेका यादव ठाकुरराम बहुमुखी क्याम्पसका पुर्व स्ववियु सचिव पनि हुन् ।
यस्तै मन्त्री रिजालको प्रथम स्वकिय सचिवमा भने कांग्रेस मधेस प्रदेशका महामन्त्री बृहस्पतिकृष्ण श्रेष्ठ नियुक्त भएका छन् । पर्साको ठोरी गाँउपालिका निवासी श्रेष्ठ , गत स्थानीय तहको निर्वाचनमा कांग्रेसका तर्फबाट गाँउपालिका अध्यक्षको प्रत्याशी थिए ।
आफ्नो प्रतिक्रिया दिनुहोस
