वीरगन्ज,११ चैत । वीरगन्ज नर्सिङ्ग क्याम्पसका नवनिर्वाचित स्ववियु सभापति मनिषा चौधरीलाई ५१ किलो मालाले सम्मान गरीएको छ ।
शनिबार होटल कुमु प्यालेशमा आयोजित कार्यक्रममा अनेरास्ववियु पर्सा जिल्ला कमिटिले उनलाई ५१ किलोको मालाले सम्मान गरेको हो ।
स्ववियु सभापति चौधरीलाई नेकपा एमालेका केन्द्रिय सदस्य एवं प्रतिनिधि सभा सदस्य प्रभु हाजरा ,नेकपा एमालेका केन्द्रिय सदस्य अरविन्द सिंह र वीरगन्ज महानगरपालिका २० का वडा अध्यक्ष रामकिशोर सिंह परागले माला लगाएर सम्मान गरेका थिए ।
वीरगन्ज नर्सिङ क्याम्पसमा नेकपा एमाले निकट अनेरास्ववियु नेतृत्वले जित हासिल गरेको छ । गत ५ चैत ५ मा सम्पन्न भएको स्ववियु निर्वाचनमा अनेरास्ववियुका स्ववियु सभापतिमा मनीषा चौधरी ९१ मतसहित विजयी हुँदा उनकी निकटतम प्रतिस्पर्धी नेविसंघकी यामिनी खड्काले ६३ मत पाएकी थिईन् ।
सचिवमा पनि अनेरास्ववियुकै सृष्टि तिमिल्सिना र कोषाध्यक्षमा अर्चना गुप्ता विजयी भएकी छन ।
त्यसैगरी, सदस्यहरूमा अनेरास्ववियुकै विवेक रनावत र मुन्ना श्रेष्ठ तथा नेविसंघकी स्मृति थापा विजयी भए ।
समानुपातिक सदस्यमा अनेरास्ववियुकै सदीक्षा शाही, दीपशिखा केसी र शिक्षा खनाल चयन भएका छन् । यसअघिको ०७३ सालको स्ववियु निर्वाचनमा नेपाल विद्यार्थी संघले प्यानल सहित विजयी भएको थियो ।
अनेरास्ववियु पर्साका अध्यक्ष रेयाज अंसारीको अध्यक्ष्तामा भएको सम्मान कार्यक्रममा एमाले पर्साका संयोजक डा. विश्म्भर शर्मा ,अनेरास्ववियुका केन्द्रिय सचिव अन्जना शिवाकोटी , नेपाल खेलकुद महासंघका केन्द्रिय सचिव शीवजी गुप्ता , जिल्ला सचिव सन्दीप बस्नेत , नेता राजाबाबु रौनीयार ,अनिल हजरा ,महिला नेतृ रिंकु साह ,अनेरास्ववियु पर्साका सचिव पवन यादव , अनेरास्ववियु महानगर अध्यक्ष आसीफ अहमद , वीरगन्ज नर्सिङ्ग क्याम्पसका अनेरास्ववियु अध्यक्ष मालती बस्नेत लगायतका नेताहरुको उपस्थिति रहेको थियो ।
