वीरगन्ज, १ मंसिर । पर्साको प्रतिनिधिसभा निर्वाचन क्षेत्र नम्बर १ का स्वतन्त्र उम्मेदवार अजय कुमार द्विवेदीले जनमतलाई पैसाले दबाउन खोजिएको बताउनु भएको छ । निर्वाचनलाई प्रभावित पार्ने उदेश्यले भारतीय नम्वरका गाडीहरु प्रयोग भएको र रातको समयमा मतदाताको घरमा पुगेर रकम बाड्ने काम भएको सूचना आइरहेकोले त्यस तर्फ आयोगको ध्यान जान नसकेको द्विवेदीले बताउनुभयो ।
स्थानीय प्रशासन र निर्वाचन आयोगलाई सम्बेदनशील बन्न आग्रह गर्नुभयो । बिहीबार पत्रकारहरुसँगको सात्क्षारमा निर्वाचन आयोग र स्थानीय प्रशासनले मतदातालाई निष्पक्ष र भयरहति रुपमा आफनो अभिमत प्रकट गर्ने वतावरण बनाईदिनुपर्नेमा जोड दिनुभयो । स्वतन्त्र उमेदवार द्विवेदीले आम नागरिकलाई पनि बिना वर्दीको प्रहरी र समाजालाई सही दिशामा लाने पत्रकार पनि भएकोले आफ्नो गोप्य मतलाई किन्न आउनेहरुलाई जवाफ दिन आग्रह गर्नुभयो ।
उहाँले भन्नुयभयो, ‘पैसाको बिटा लिएर आउलान, धाक धम्की देलान त्यसको भिडियो बनाउनुहोस फोटो खिच्नुहोस र सार्वजिन गर्नुहोस तपाई चेतनाले राजनीतिक क्षेत्रमा देखिएको विकृति अन्त्य हुन्छ । अब जनताको आवाज नसुन्नेहरु बढारिन्छन् ।” पत्रकारको सवालको जवाफ दिदै उम्मेदवार द्विवेदीले पर्साको क्षेत्र नं १ का जनता राजनीतिक परिवर्तनको पक्षमा रहेको बताउनुभयो ।पार्टी र उम्मेदवार भन्दा नागरिक अगाडि छन नागरिकले यसपाली आफनो अभिमत निष्ठा र राजनीतिको जीतकालागि ब्यक्त गर्ने आफूमा बिश्वास रहेको द्ववेदीले बताउनुभयो ।
उहाँले भन्नुभयो, ‘राजनीति निष्ठाको राजनीति विचारको हुनुपर्छ भन्ने आम जनताको आवाज रहेको छ । आजको राजनीतिमा आम जनताको आवाज जसरी ओझेल भएको छ । यो राजनीतिको लागि सुखद पक्ष होईन । दल दलको रुपमा मात्रै छ । दलको झण्डा छ । तर, दलको सिद्धान्त देखिदैन । शासन छ तर, शासनमा जनताको भागीदारी देखिदैन । जहाँ जनताको आवाज सुनिदैन जहाँ जनताको आवाज सुनिदैन त्यो राजनीति टिकाऊ हुदैन । त्यसकारण आम जनताले आफ्नो भागेदारी खोज्ने, आफ्नो आवाज सुनिने, आम जनताले आफू म छु भन्ने महशुस गर्नलाई जनताको आवाज बनेर आएको छु । आजसम्म जसरी साथ दिईरहनु भएको छ । यो स्थिर समय (मौन अवधिं) मा पनि साथ दिन आग्रह गर्छु ।”
पर्साको क्षेत्र नम्बर १ बाट जनताको आवाज संसदमा घन्किने एउटा राजनीतिक मोडेल पर्साबाट शुरु हुने विश्वास समेत दिलाउनुभयो । लोकतन्त्र दलमा आयो त्यसपछि कार्यकर्ताको हातमा आयो तर, जनताको लोकतन्त्र आएन । अब जनताको लोकतन्त्र बन्ने अभियान शुरु हुनेपनि उहाँले बताउनुभयो ।
