वीरगञ्ज — वीरगञ्ज महानगरपालिका–३ प्रगतिनगरस्थित आचार्य एकेडेमीमा विजयादशमीको अवसरमा शुभकामना आदानप्रदान तथा टीका कार्यक्रम सम्पन्न भएको छ।
असोज २९ गते आयोजित कार्यक्रममा विद्यालयका विद्यार्थी, अभिभावक, शिक्षक–शिक्षिका तथा कर्मचारीहरूको सहभागिता रहेको थियो। कार्यक्रममा आपसी सद्भाव, एकता, प्रेम र भाइचाराको सन्देश आदानप्रदान गर्दै विजयादशमीको शुभकामना व्यक्त गरिएको विद्यालयले जनाएको छ।
कार्यक्रममा सहभागीहरूले सबैको सुख, शान्ति, समृद्धि, सुस्वास्थ्य तथा उत्तरोत्तर प्रगतिको कामना गरेका थिए। चाडपर्वले आपसी सम्बन्धलाई थप सुमधुर बनाउनुका साथै सामाजिक सद्भाव र एकतालाई बलियो बनाउने विश्वास व्यक्त गरिएको थियो।
कार्यक्रमपछि विद्यालयले विजयादशमीको बिदा दिएको छ। विद्यालयका सञ्चालक मो। सगीर अलीले विद्यार्थी, अभिभावक, शिक्षक–शिक्षिका तथा कर्मचारीलाई विजयादशमीको शुभकामना दिँदै चाडपर्व आपसी सद्भाव, खुसी र भाइचाराका साथ मनाउन आग्रह गरेका छन्।
विद्यालय प्रशासनका अनुसार विजयादशमीको बिदापछि आगामी कात्तिक ९ गते सोमबारदेखि नियमित पठनपाठन सञ्चालन हुनेछ।
