चिकित्सकहरूलाई Finerenone तथा Rosuvastatin + Ezetimibeऔषधिबारे प्रशिक्षण

वीरगञ्ज — Alive Pharmaceutical (P) Ltd. को आयोजनामा चिकित्सकहरूलाई कम्पनीद्वारा उत्पादित औषधिबारे जानकारी गराउने उद्देश्यले प्रशिक्षण कार्यक्रम सम्पन्न भएको छ।
कार्यक्रममा कम्पनीका दुई औषधि Finerenone तथा Rosuvastatin + Ezetimibe का बारेमा चिकित्सकहरूलाई प्रशिक्षण दिइएको थियो। जेष्ठ नागरिक रोग विशेषज्ञ डा. अनुपम उपाध्यायले Finerenone औषधिको प्रयोग, कार्यप्रणाली तथा उपचारमा यसको भूमिकाबारे प्रस्तुति दिएका थिए।
त्यस्तै, हृदयरोग विशेषज्ञ डा. बृजेश पाण्डेले Rosuvastatin + Ezetimibe औषधिको प्रयोग, कार्यप्रणाली तथा हृदयरोगको उपचारमा यसको उपयोगिताबारे जानकारी दिएका थिए।
प्रशिक्षणका क्रममा औषधिले शरीरमा गर्ने प्रभाव, यसको चिकित्सकीय प्रयोग तथा विभिन्न स्वास्थ्य समस्याको उपचारमा औषधिको भूमिकाबारे चिकित्सकहरूबीच छलफलसमेत गरिएको थियो।
कार्यक्रममा करिब २० जना चिकित्सकको सहभागिता रहेको Alive Pharmaceutical (P) Ltd. की Product Manager मनिषा सिंहले जानकारी दिइन्।
कार्यक्रममा कम्पनीका Marketing Deputy Managerले स्वागत मन्तव्य व्यक्त गरेका थिए भने कम्पनीका Vice President सन्जिब श्रेष्ठले अध्यक्षता गरेका थिए।
आयोजकका अनुसार चिकित्सकहरूलाई नयाँ औषधि तथा उपचारसम्बन्धी वैज्ञानिक जानकारी उपलब्ध गराउने उद्देश्यले प्रशिक्षण कार्यक्रम आयोजना गरिएको हो।