काठमाडौं,। नेपाली राष्ट्रिय क्रिकेट टिमका ब्याटिङ अलराउन्डर आरिफ शेखले विभागीय बढुवा प्राप्त गरेका छन् ।वीरगन्ज महानगरपालिका वडा नम्बर १२ मुर्लीका स्थायीबासी आरिफ प्रहरी जवानबाट सहायक हवल्दारमा बढुवा भएका हुन् ।
नेपाल पुलिस क्लबको कप्तानी गर्दै लगातार २ वटा जय ट्रफीको उपाधि जितेको, प्रो क्लब च्याम्पियनसिपमा विभागलाई उपाधि दिलाएको र विश्वकपमा समेत नेपालको प्रतिनिधित्व गर्दै राम्रो प्रदर्शन गरेको भन्दै नेपाल पुलिस क्लबले उनलाई पदोन्नति गरेको हो । उनलाई पदोन्नतिसँगै अर्को सिजनसम्मका लागि नेपाल पुलिस क्लबका खेलाडीहरुलाई खेलकुद सामाग्री समेत वितरण गरिएको थियो ।
आफ्नो प्रतिक्रिया दिनुहोस
