वीरगञ्ज । पर्सा निर्वाचन क्षेत्र नम्बर–२ बाट प्रतिनिधिसभा सदस्य पदकी उम्मेदवार बिना कुमारी जैसवाल ले वीरगञ्ज महानगरपालिका वडा नम्बर–१७ अलौ क्षेत्रमा घरदैलो कार्यक्रम सम्पन्न गरेकी छन्।
आगामी निर्वाचनलाई लक्षित गर्दै सञ्चालन गरिएको घरदैलो कार्यक्रमका क्रममा उम्मेदवार जैसवालले स्थानीय मतदातासँग प्रत्यक्ष भेटघाट तथा संवाद गर्दै आफ्ना चुनावी एजेन्डा प्रस्तुत गरेकी थिइन्। उनले विकास, सुशासन, रोजगारी र जनताको मौलिक अधिकार संरक्षणलाई आफ्नो प्रमुख प्राथमिकतामा राखेको बताइन्।
घरदैलोका क्रममा स्थानीयवासीहरूले शिक्षा, स्वास्थ्य, खानेपानी, सडक तथा रोजगारीका विषयमा आफ्ना गुनासा र सुझाव राखेका थिए। उम्मेदवार जैसवालले जनताको आवश्यकता र चाहनाअनुसार संसद्मा आवाज उठाउने प्रतिबद्धता व्यक्त गर्दै परिवर्तनका लागि आफूलाई सहयोग गर्न आग्रह गरिन्।
कार्यक्रममा राष्ट्रिय प्रजातन्त्र पार्टी (राप्रपा) का स्थानीय नेता तथा कार्यकर्ताहरूको पनि उल्लेखनीय उपस्थिति रहेको थियो।
