वीरगन्ज — जेनजी आन्दोलनको दौरान गत भदौ २४ गते मकवानपुरस्थित भीमफेदी कारागारबाट फरार भएका एक कैदी वीरगन्जमा पक्राउ परेका छन्।
पक्राउ पर्ने व्यक्ति पर्सा वीरगन्ज महानगरपालिका–१६ बसपार्कका २५ वर्षीय अमजत मियाँ हुन्। उनी आफ्नै घरमा लुकेर बसेको अवस्थामा जिल्ला प्रहरी कार्यालय पर्साबाट खटिएको टोलीले बुधबार पक्राउ गरेको हो।
पर्साका प्रहरी नायब उपरीक्षक हरिबहादुर बस्नेतका अनुसार, अमजत मियाँ लागूऔषध सम्बन्धी कसुरमा पर्सा जिल्ला अदालतबाट पुर्पक्षमा कारागार पठाइएका कैदी हुन्। फरार रहेका उनलाई पक्राउ गरी पुनः भीमफेदी कारागारमा पठाइने बताइएको छ।
आफ्नो प्रतिक्रिया दिनुहोस
