काठमाडौं — आविष्कारक तथा सामाजिक अभियन्ता महावीर पुनले फेसबुकमार्फत विशेष घोषणा गरेका छन्। उनले आफूलाई बधाई दिने परम्परागत संस्कारलाई रोक्न आग्रह गर्दै शिक्षा, विज्ञान र प्रविधिको क्षेत्रमा ठोस आइडिया लिएर आउन सबैलाई आह्वान गरेका छन्।
पुनले आफ्नो फेसबुक स्टाटसमा लेखेका छन् :
“कसैले पनि ‘लौ बधाई छ’ भनेर फोन नगर्नुहोला, र बधाई दिन खादा–माला लिएर नआउनुहोला। बरु शिक्षा, विज्ञान र प्रविधिको क्षेत्रमा पाँच महिनाभित्र गर्न सकिने र गर्नपर्ने ठोस काम वा आइडिया छ भने मेरो WhatsApp मा पठाउनुहोला।”
“मन्त्री नभन्नुहोला”
पुनले आफूलाई मन्त्री भनेर सम्बोधन नगर्न पनि आग्रह गरेका छन्। तर उनले थपे :
“मलाई कसैले पनि मन्त्री नभन्नुहोला। कसैलाई मन्त्री नै भन्नु रहे रहर छ भने कवाडी वैज्ञानिक मन्त्री भन्नुहोला।”
जनसमुदायलाई आह्वान
पुनको यस घोषणालाई लिएर सामाजिक सञ्जालमा व्यापक प्रतिक्रिया देखिएको छ। धेरैले पुनको व्यावहारिक सोच र वैज्ञानिक दृष्टिकोणलाई समर्थन गर्दै शिक्षा र प्रविधिमा ठोस सुधारका लागि सुझाव दिन सुरु गरेका छन्।
आइडिया संकलन अभियान
पुनले उल्लेख गरेको पाँच महिनाको अवधिमा शिक्षा, विज्ञान र प्रविधि क्षेत्रमा कार्यान्वयन गर्न सकिने योजनाहरू संकलन गर्ने अभियान अब जनस्तरमै फैलिएको छ।
