काठमाडौँ – पत्रकार दिलभूषण पाठकविरुद्ध नेपाल प्रहरीको साइबर ब्युरोले पक्राउ पुर्जी जारी गरेको छ।
नेपाली कांग्रेस सभापति शेरबहादुर देउवा र परराष्ट्रमन्त्री आरजु राणा देउवाका छोरा जयवीरसिंह देउवाले दिएको उजुरीका आधारमा मंगलबार साइबर ब्युरोले पुर्जी जारी गरेको हो।
साइबर ब्युरोका प्रमुख प्रहरी नायब महानिरीक्षक नवीन्द अर्यालका अनुसार, पत्रकार पाठकले आफ्नो युट्युब कार्यक्रम ‘टफ टक’ मार्फत् ‘हिल्टनमा जयवीर देउवाको पैसा’ शीर्षकमा प्रसारित सामग्रीमा जयवीरसिंहको संलग्नता उल्लेख गरिएको थियो।
यही प्रसारणलाई लिएर चरित्र हत्या गरिएको भन्दै जयवीरले उजुरी दिएका हुन्। हाल कार्यक्रम युट्युबमार्फत् प्रसारण हुँदै आएको छ।
आफ्नो प्रतिक्रिया दिनुहोस
