वीरगञ्ज । पर्सा जिल्ला कबड्डी संगले आयोजन गरेको अन्तर विद्यालय कबड्डी खेलको पाँचौ दिन सेमिफाइनल खेल सकेको छ ।
सेमिफाइनल खेलमा छात्रा तर्फको पहिलो खेलमा सूर्याेदय स्कुलले एस आर ग्यालेक्सी स्कुललाई हराउदै फाइनलमा आफ्नो ठाउँ पक्का गरेको छ । सूर्याेदय स्कुलले एस आर ग्यालेक्सी स्कुललाई ४६÷३४ अंकले हराएको छ भने प्लेयर अफ द मेच सूर्याेदय स्कुलकी जर्सी नम्बर २ कि सलामुन खातुन घोषित भएकी थिइन। त्यसैगरी छात्रा तर्फको दोस्रो सेमिफाइनल खेलमा लिटिल फलावर स्कुलले साउथ जोन स्कुललाई हराउदै फाइनलमा पुगेको छ । लिटिल फलावर स्कुलले साउथ जोन स्कुललाई ४९÷३४ अंकले हराएको छ भने प्लेयर अफ द मेच लिटिल फलावर स्कुलकी जर्सी नम्बर १४ रोशनी भण्डारी घोषित भएकी थिइन।
आजै भएको छात्रहरूको पहिलो सेमिफाइनल खेलमा एस आर ग्यालेक्सी स्कुलले वीरगंज पब्लिक स्कुललाई हराउदै फाइनलमा आफ्नो स्थान पक्का गरेको छ । एस आर ग्यालेक्सी स्कुलले वीरगंज पब्लिक स्कुललाई ४९÷४५ अंकले हराउदै एस आर ग्यालेक्सीका जर्सी नम्बर ८ का सौरभ यादव म्यान अफ द म्याच घोषित भएका छन् ।
सेमिफाइनलको छात्र तर्फकै दोस्रो खेलमा लिटिल फलावर स्कुलले साउथ जोन स्कुललाई हराउदै फाईनलमा पुग्न सफल भएको छ । लिटिल फलावर स्कुलले साउथ जोन स्कुललाई ४१÷४० अंकले हराएको छ भने म्यान अफ द म्याच लिटिल फलावर स्कुलका जर्सी नम्बर ५४ का विश्वास यादव भएका छन् ।
अन्तर विद्यालय कबड्डी खेलमा अंकका अधारमा छात्रा तर्फ तेस्रो स्थानमा एस आर ग्यालेक्सी स्कुल र छात्र तर्फ साउथ जोन स्कुल विजय भएको पर्सा जिल्ला कबड्डी संघका कार्यक्रम संयोजक अमित सिंहले जानकारी दिनु भयो ।
सोमबार हुने छात्रा तर्फको फाइनल खेलमा सूर्याेदय स्कुल र लिटिल फलावर स्कुल भिड्नेछन् भने छात्र तर्फ फाइनल खेलका लागि एस आर ग्यालेक्सी स्कुल र लिटिल फलावर स्कुल आमने सामने भिड्नेछन् । सोमबार हुने पहिलो खेल १०ः३० बजे देखि हुने छ भने अर्काे खेल ११ः१५ मा हुने संघका संयोजक सिंहले बताए ।
