वीरगञ्ज । पर्सा प्रहरीले भन्सार छली चोरी पैठारी गरी भित्रयाईएको ३ लाखको सामान बरामद गरेको छ।
जिल्ला प्रहरी कार्यालय पर्साबाट खटिएको प्रहरी टोलीले वीरगंज महानगरको विभिन्न ठाउहरू बाट भन्सार छलीको ३ लाख २३ हजारको सामान बरामद गरेको जिल्ला प्रहरी कार्यालय पर्साका प्रवक्ता एवम सुचना अधिकारी प्रहरी नायव उपरीक्षक (डीएसपी) कुमार विक्रम थापाले जानकारी दिए।
बरामद सामानहरूमा सर्टिङ थान कपडा १२४ मिटर, कुर्ता सुरवाल ४८ पिस, सलको थान कपडा २४० मिटर,चामल ६ बोरा,चिनी ७७ किलो, रेडबुल ८८ पिस,ग्याँस सिलिण्डर ३ थान, ग्याँस चुल्हा २ पिस, केराउ ५० किलो, Cotco चक्लेट २६४ प्याकेट,प्याज १८९ किलो,सुरवाल ६४ पिस लगाएत रहेका छन।
बरामद सामानहरूलाई आवश्यक कार्यवाहीको लागी वीरगंज भन्सार कार्यालयमा बुझाईएको जिल्ला प्रहरी कार्यालय पर्साले जनाएको छ।
आफ्नो प्रतिक्रिया दिनुहोस
