काठमाडौं । नेपाल क्रिकेट संघ (क्यान) को मधेश प्रादेशको अध्यक्षमा सुनिल महासेठ निर्वाचित भएका छन् ।
शनिबार भएको संघको दोस्रो अधिवेशनबाट सिरहाका महासेठ अध्यक्ष निर्वाचित भएका हुन् । संघको उपाध्यक्षमा रौतहटका पवन गुप्ता , सचिवमा सप्तरीका आयुष श्रेष्ठ र कोषाध्यक्षमा बाराका सुवास जयसवाल निर्विरोध निर्वाचित भएका छन ।
संघको कार्यसमिति सदस्यमा सप्तरीका सतिशकुमार सिंह, सर्लाहीका शत्रुघनप्रसाद साह, रौतहटका प्रमोद साह, महोत्तरीका राजीवकुमार झा र मुकेशकुमार साह, धनुषाका आकाश पाण्डे, सिरहाका विकलकुमार विष्ट, पर्साका बावुजान अन्सारी तथा बाराका अनिल कुमार चौगाई रहेका छन् ।
यसअघि सुदूरपश्चिम प्रदेश, कोशी प्रदेश, गण्डकी प्रदेशको निर्वाचन सम्पन्न भइसकेको छ । अब लुम्बिनी, कर्णाली र बागमती प्रदेशको निर्वाचन हुन बाँकी छ । क्यानको केन्द्रीय निर्वाचन असोजको पहिलो साता हुँदैछ ।
