वीरगञ्ज । सरकारको नेतृत्व गरेको माओवादी केन्द्रसहित चार दल सम्मिलित समाजवादी मोर्चाले पहिलो सन्देश सभा आयोजना गर्दैछ ।
आज (शुक्रबार) वीरगञ्जमा पहिलो सन्देश सभा आयोजना गर्न लागेको हो । मोर्चामा सहभागी जनता समाजवादी पार्टीको आयोजनामा दिउँसो १ बजे वीरगन्जमा सभाको आयोजना हुन लागेको हो ।
मोर्चाले भदौ १२ गते बुटवल, १३ गते धनगढी, १४ गते सुर्खेत, १५ गते पोखरा, २३ गते हेटौंडा र २५ गते विराटनगरमा सभा गर्ने निर्णय गरेको छ ।
सोमबार बिहान नेकपा एकीकृत समाजवादीको केन्द्रीय कार्यालय, आलोकनगरमा बसेको बैठकले सातै प्रदेशमा सन्देश सभा गर्ने निर्णय गरेको थियो ।
असार ४ गते गठन भएको मोर्चामा माओवादी केन्द्र, जनता समाजवादी पार्टी, नेकपा एकीकृत समाजवादी र विप्लव नेतृत्वको नेकपा छन् । सभार : फरक धार
आफ्नो प्रतिक्रिया दिनुहोस
