वीरगञ्ज । पर्सा क्रिकेट संघको अध्यक्षमा मनिष सिंह सर्वसम्मत चयन भएका छन् । संघको सातौँ साधारणसभा तथा जिल्ला अधिवेशनबाट बुधबार सिंहको अध्यक्षतामा नयाँ कार्यसमिति सर्वसम्मत रुपले चयन भएको पूर्वअध्यक्ष दाउद अन्सारीले बताए ।
उपाध्यक्षमा मुर्तुजा हवारी, सचिवमा घनश्याम बाबु गुप्ता, कोषाध्यक्षमा जयप्रकाश सर्राफ सर्वसम्मत निर्वाचित भएका हुन् ।
यसैगरी सदस्यमा हिरालाल राउत, मो.दाउद अन्सारी, वासुदेवलाल कर्ण, नारायण पटेल, मोसरफ ईजहार, कलामुद्दिन अन्सारी, राजीव श्रेष्ठ, नासिर खान, बाबुजान अन्सारी र नेहाल अहमद सर्वसम्मत निर्वाचित भएको प्रमुख निर्वाचन अधिकृत राकेश मल्लिकले जनाए ।
वीरगञ्ज उपमहानगरपालिकाका उपमेयर इम्तियाज आलमले बुधबार संघको सातौँ साधारणसभा तथा जिल्ला अधिवेशन उद्घाटन गरेका थिए । अधिवेशनमा केन्द्रीय पर्यवेक्षक माधव कर्मचार्य, बारा क्रिकेट संघका अध्यक्ष प्रभात चौरसिया लगायतको उपस्थिति थियो ।
