वीरगञ्ज । तीन वर्षको अवधिमा जिल्ला प्रहरी कार्यालय पर्सामा नागरिकतासम्बन्धी ८० वटा उजूरी दर्ता भएका छन्।
पर्सा प्रहरीको तथ्यांकअनुसार आर्थिक वर्ष ०७७/७८ मा ६७ उजूरी दर्ता भएकोमा चारवटा मात्रै फर्छ्यौट भएका थिए। यस्तै, आव ०७८/७९ मा ५ वटा दर्ता भएकोमा तीन वटा फर्छ्यौट भएका थिए भने आव ०७९/८० मा ८ उजूरी दर्ता भएकोमा ६ वटा फर्छ्यौट भएका थिए।
पर्साका प्रहरी प्रवक्ता डिएसपी दीपक गिरीका अनुसार झुठो विवरण पेश गरी नागरिकता लिएकोसम्बन्धी उजूरी प्रहरीमा दर्ता भएको बताए।
‘झुठो रुपमा विवरण पेश गरी कोही कसैको आफन्त बनेर नागरिकता दिलाएका हुन्छन्। यस्ता मुद्दाहरु प्रहरीमा दर्ता हुने गरेको छ,’ उनले भने।
प्रहरीमा आएका उजूरीमाथि अनुसन्धान गरेर अदालतमा मुद्दा चल्ने गरेको उनले बताए। देशसञ्चर
आफ्नो प्रतिक्रिया दिनुहोस
