वीरगञ्ज,२९ असार । वीरगञ्जस्थित नारायणी अस्पतालको सरसफाई अब वीरगन्ज महानगरपालिकाले गर्ने भएकाे छ ।
आगामी साउन १ गतेदेखि नारायणी अस्पतालकाे सरसफाई महानगरपालिका आफैंले गर्ने भएकाे हाे ।त्यसका लागि महानगरपालिका र अस्पताल प्रशासनबिच शुक्रबार सम्झाैता गरिएकाे छ ।
महानगरका मेयर राजेशमान सिंहले पुर्वघोषणा गरे अनुसार शुक्रबार वीरगञ्ज महानगरपालिकाले नारायणी अस्पतालसंग सम्झौता गरेको हाे ।उक्त सम्झाैता पत्रमा नारायणी अस्पतालका तर्फबाट मेडिकल सुपरिटेन्डेन्ट डाक्टर चित्तरन्जन साह र महाहानगरपालिकाका तर्फबाट प्रमुख प्रशासकीय अधिकृत लक्ष्मीप्रसाद पौडेलले हस्ताक्षर गरेका छन् ।
महानगरका मेयर सिंह र पर्साका प्रमुख जिल्ला अधिकारी हिरालाल रेग्मीको उपस्थितमा सम्झौता आदानप्रदान गरिएकाे छ । उक्त सम्झौता अनुसार साउन १ गतेदेखि नारायणी अस्पतालको बाहिरी क्षेत्रको सम्पुर्ण सरसफाइ वीररगन्ज महानगरपालिकाले गर्ने र त्यसबापत महानगरपालिकाले अस्पतालसंग कुनै शुल्क नलिने उल्लेख छ ।
साउन १ गतेदेखि एक जना नाइकेको नेतृत्वमा ९ जना सरसफाइकर्मी अस्पतालमा परिचालन गरिने महानगरपालिकाका सरसफाइ शाखा प्रमुख सर्फुदिन मियाँले जानकारी दिए ।
अस्पतालकाे शल्यकृया कक्ष र वार्ड बाहेक अस्पतालकाे सबै सरसफाइकाे जिम्मा महानगरपालिकाले लिएकाे मेयर सिंहले बताए । अस्पतालकाे सरसफाइसंगै सेवा समेत प्रभावकारी बनाउन अन्य कामहरु पनि महानगरपालिकाले गरिरहेकाे उनले बताए ।
