पर्सा क्षेत्र नं. २ अन्तर्गत बहुदरमाई नगरपालिका–३, नगराधाहामा राष्ट्रिय स्वतन्त्र पार्टी (रास्वपा) प्रति जनसमर्थन उल्लेखनीय रूपमा बढ्दै गएको देखिएको छ।
रास्वपाका उम्मेदवार सुशील शाह कानुको घरदैलो कार्यक्रममा स्थानीय बासिन्दाहरूले स्वतःस्फूर्त रूपमा समर्थन जनाउँदै परिवर्तनको पक्षमा दृढ संकेत दिएका छन्।
लामो समयदेखि उही अनुहार र उही प्रवृत्तिको राजनीतिले अपेक्षित विकास र सुशासन दिन नसकेको भन्दै स्थानीय नागरिकहरू यस पटक स्पष्ट रूपमा विकल्पको खोजीमा देखिएका छन्।
नयाँ सोच, इमानदारी र जवाफदेहितायुक्त नेतृत्वको आवश्यकता औंल्याउँदै रास्वपालाई वैकल्पिक शक्तिका रूपमा अघि सारिएको छ।
घरदैलो अभियानका क्रममा उम्मेदवार सुशील शाह कानुले शिक्षा, स्वास्थ्य, रोजगारी, सुशासन तथा भ्रष्टाचारविरुद्ध कडा कदम चाल्ने स्पष्ट प्रतिबद्धता व्यक्त गरेका छन्।
जनताको आवाज नीति निर्माणसम्म पुर्याउने र पर्सा–२ को समग्र विकासका लागि निरन्तर काम गर्ने उनले प्रतिज्ञा गरे।
स्थानीयवासीहरूका अनुसार यस पटकको निर्वाचन केवल उम्मेदवार चयनको विषय होइन, पुरानो राजनीतिक अभ्यासलाई चुनौती दिने ऐतिहासिक अवसर हो।
घरदैलो अभियानमा देखिएको उत्साह, विश्वास र सहभागिताले पर्सा–२ मा राजनीतिक परिवर्तनको लहर सुरु भएको स्पष्ट संकेत दिएको छ।
