८ मंसिर
सहयात्रीको १६ औ वार्षिक साधारण सभा सम्पन्न भएको छ ।
पर्सागढि नगरपालिका वर्डा नं. ४ मा रहेको सहयात्री बचत तथा ऋण सहकारी संस्था लि.को १६ औ वार्षिक साधारण सभा संचालक समितिका अध्यक्ष गोमा कुमारी उप्रेतीको अध्यक्षतामा सम्पन्न भएको हो ।
कार्यक्रमका प्रमुख अतिथि नेपाली कांग्रेस केन्द्रीय सदस्य तथा क्षेत्र नं २ का संघिय सांसद मा. अजयकुमार चौरसियाले संस्थाले अझै उन्नति प्रगति गरोस् भन्ने हाम्रो चाहना रहेको बताउनु भयो ।
संस्थाको ब्यवस्थापन राम्रो रहेकोले यस्तो संकटकालिन अवस्थामा आज सम्म यो संस्था संचालनमा रहेको र ब्यवस्थापन समितिका पदाधिकारीहरुले लगानी गर्दा ध्यान दिएर लगाउनु पर्नेमा जोड दिनु भयो ।
प्राय जसो सहकारी संचालकहरु अहिले सर्वसाधारणको पैसा लिएर भागिरहेका छन । त्यस मुख्य कारण नै राम्रो ठाउँमा लगानी नगर्नु ब्यवस्थापन समिति राम्रो नरहनु हो त्यसैले संस्था खोल्नु ठुलो कुरा होइन त्यसलाई चलाउनु ठुलो कुरा रहेको र सहयात्री सफल रहेकोमा बधाई समेत दिनु भयो ।
कार्यक्रममा बिशिष्ट अतिथि प्रदेश सभा सदस्य श्याम पटेल संसदीय बिकासको पैसा अदालतले चलाउन आदेश गरेमा यो संस्थाको निर्माधिन भवन बनाउन सक्दो सहयोग गर्ने मन्तब्य ब्यक्त गरेका थिए ।
त्यसैगरी बिशिष्ट अतिथि नगर प्रमुख गोकर्ण पाठक नगरपालिका भित्र रहेका सहकारी मध्ये यो सहकारी एक नम्बर स्थानमा रहेको छ । यो भन्दा पनि धेरै पुरानो सहकारी संस्थाहरु नगरपालिकामा छन् तर यस्तो व्यवस्थापन नरहेको कारण आज सम्म प्रगति गरेको छैन । यस्तो प्रगति गरेको संस्था आफ्नो नगरपालिका भित्र रहेको छ भने हामी लाई पनि खुशि लाग्छ । त्यसैले नगरपालिकाले सक्दो सहयोग गर्ने बताएका थिए ।
कार्यक्रममा रेडक्रस सोसाइटी मधेश प्रदेशका अध्यक्ष फुलमहद मिया, पर्सा जिल्ला सहकारी संस्था अध्यक्ष राजेश पंडित , संस्था व्यवस्थापक बिरेन्द्र राज कंडेल ,पुर्व वडा अध्यक्ष बेदमन दास थारु, सुकमान तामाङ , शेष खुरसेद , लेखा प्रमुख संजय परियार लगायत सहभागिता रहेको थियो भने स्वागत मन्तव्य कोषाध्यक्ष प्रतिमा मानन्धर ले गरेका थिइन् सहजिकरण संस्था को सचिव शिवनाथ यादबले गरेका थिए ।
पछिल्लो आर्थिक वर्र्षमा संस्थाले ६ करोड १५ लाख २१ हजार त्रिसठी रुपैयाको कारोवार गरेको प्रतिवेदन पेश गरिएको थियो । कार्यक्रममा बार्षिक प्रगति प्रतिवेदन संस्था कि अध्यक्ष गोमा कुमारी उप्रेती ले प्रस्तुत गरेका थिइन् ।
