वीरगन्ज । पर्साको निर्वाचन क्षेत्र नम्बर २ मा पर्ने वीरगन्ज महानगरपालिका वडा नम्बर १७ अलौंमा बुधबार नेपाली कांग्रेसको चुनावी घरदैलो कार्यक्रम सम्पन्न भएको छ ।
कांग्रेस नेताकार्यकर्ता र समर्थकसंगै बुधबार बिहान अलौंमा पुगेर कांग्रेस उम्मेदवार चौरसियाले घरदैलो गर्दै त्यहाँका मतदातासंग संवाद पनि गरेका छन् । त्यसक्रममा चौरसियाले जनताका गुनासा र समस्या सुनेपछि उनिहरुको चाहना अनुसार आँफुले फेरिपनि काम गर्ने वाचापनि गरे ।
पूर्व मन्त्रीसमेत रहेका चौरसियाले लोकतन्त्रको रक्षासंगै देश विकासका लागि काम गर्ने दल कांग्रेसमात्रै रहेकोले नयाँ र पुरानाको चक्करमा नपरेर कांग्रेसलाई मतदान गरेर जिताउन मतदाताहरुसंग आग्रह पनि गरे ।
आँफुलाई अहिले नयाँ भनाउँदाहरुको देश निर्माण र विकासमा कुनै योगदान नभएको भन्दै उनले उनिहरु विचार र सिद्धान्तविहिन भएको टिप्पणी गरे । अहिले युवा नेतृत्वले हाँकेको कांग्रेस नै नयाँ पार्टी भएको भन्दै चौरसियाले भने,‘ कांग्रेस अहिले नेतृत्वले मात्र नभई विचारले पनि नयाँ बनेको छ । रुपान्तरित कांग्रेसप्रति देशभर जनताको लहरपनि बढेको छ ।
अहिलेको राजनीतिक संकटबाट निकास दिदैं कांग्रेसको नेतृत्वमा मात्रै समावेशी विकास, जनअधिकारको रक्षा र स्थायित्व सम्भव हुने उनले बताए ।
