वीरगञ्ज — नेकपा पर्सा निर्वाचन क्षेत्र नम्बर–१ का प्रतिनिधिसभा सदस्य पदका उम्मेदवार सीए अजय चौरसिया ले वीरगञ्ज महानगरपालिका वडा नम्बर–११ मा घरदैलो कार्यक्रम सम्पन्न गरेका छन्।
घरदैलोका क्रममा उम्मेदवार चौरसियाले स्थानीय मतदातासँग प्रत्यक्ष भेटघाट गर्दै अहिलेसम्म वीरगञ्जको अपेक्षित विकास हुन नसक्नुका कारणबारे जानकारी गराएका थिए। उनले अबको विकासका लागि युवा, सक्षम र योग्य नेतृत्व आवश्यक रहेको बताउँदै मतदातालाई परिवर्तनको पक्षमा मतदान गर्न आग्रह गरे।
“विकासको अभाव नेतृत्वको कमजोरीका कारण हो,” चौरसियाले भने, “अब वीरगञ्जलाई समृद्धिको बाटोमा अघि बढाउन योग्य र प्रतिबद्ध प्रतिनिधि आवश्यक छ।”
घरदैलो कार्यक्रममा नेपाल कम्युनिस्ट पार्टी (नेकपा) का केन्द्रीय सदस्यहरू बालगोपाल थापा, शेष चाँदतारा, बाबुराम कौशिक लगायतको सहभागिता रहेको थियो।
यसैगरी पार्टीका नेताहरू रामदरश कुश्वाहा, सुरेन्द्र गुप्ता, पूर्वप्राध्यापक हरि वैद्य, रूपा थापा, हिरा भट्टराईलगायतको उपस्थितिले घरदैलो कार्यक्रमलाई थप सशक्त बनाएको थियो।
स्थानीय मतदाताहरूले पनि वीरगञ्जको विकासका लागि नयाँ सोच र क्षमतावान नेतृत्व आवश्यक रहेको प्रतिक्रिया दिएका थिए।
