वीरगञ्ज ।
पर्सा निर्वाचन क्षेत्र नम्बर–३ बाट नेकपा एमालेका प्रतिनिधिसभा सदस्य उम्मेदवार रुपेश कुमार पाण्डेयले सखुवापर्सौनी गाउँपालिका वडा नम्बर–१ अन्तर्गत सिधपुर–अकवानिया टोलमा घरदैलो तथा बृहत् जनतासँग भेटघाट कार्यक्रम सम्पन्न गरेका छन्।
घरदैलो कार्यक्रमका क्रममा उम्मेदवार पाण्डेयले स्थानीय मतदातासँग प्रत्यक्ष संवाद गर्दै क्षेत्रका समस्या, आवश्यकता र अपेक्षाबारे जानकारी लिएका थिए। उनले विकास, रोजगारी, शिक्षा, स्वास्थ्य र कृषि क्षेत्रको समग्र सुधारका लागि नेकपा एमालेको जित आवश्यक रहेको उल्लेख गर्दै आगामी निर्वाचनमा एमालेको पक्षमा मतदान गर्न आग्रह गरे।
स्थानीयवासीसँगको भेटघाटमा पाण्डेयले भने,
“स्थानीय तहदेखि केन्द्रसम्म विकासको गति बढाउन नेकपा एमालेको नेतृत्व अपरिहार्य छ। जनताको विश्वास र समर्थन पाएर यस क्षेत्रको समृद्धिका लागि इमान्दारीपूर्वक काम गर्नेछु।”
कार्यक्रममा स्थानीय अगुवा प्रमोद जैसवाललगायतको उल्लेख्य उपस्थिति रहेको थियो। स्थानीय बासिन्दाहरूले उम्मेदवार पाण्डेयलाई स्वागत गर्दै आफ्नो क्षेत्रको विकासप्रति सकारात्मक अपेक्षा व्यक्त गरेका छन्।
नेकपा एमालेका उम्मेदवार पाण्डेयले आगामी दिनहरूमा पनि पर्सा–३ का विभिन्न टोल र बस्तीमा घरदैलो तथा जनसम्पर्क अभियानलाई अझ तीव्र बनाउँदै लैजाने प्रतिबद्धता जनाएका छन्।
