एमालेका कार्यकर्ताको कुटपिटबाट ६ जना घाईते

वीरगञ्ज– २७ मा एमालेका कार्यकर्ताको कुटपिटबाट ६ जना घाईते भएका छन् । कुटपिटबाट स्थानीय ५८ वर्षीय नेमा रेशा, ३० वर्षीय आइसा भन्ने मुन्नी खातुन,
४० वर्षीय मलिक नुनिया, १८ वर्षीय मोहमद नुराईन, ४२ वर्षीय मोहमद मिया र १९ वर्षीय जाहिर हवारी घाईते भएका हुन् । उनीहरु मध्ये अधिकांशको टाउकोमा चोट लागेको छ । घाईते सबै जनाको अवस्था सामान्य रहेको जिल्ला प्रहरी कार्यालय पर्साले जनाएको छ । ४ जना उपचारपछि घर फर्किएका छन् भने महम्मद मिया र आयसा खातुनको नारायणी अस्पतालमै उपचार भईरहेको छ ।
०७४ मा वडा नं २७ नेकपा एमालेका प्रदिप कुमार यादव ११०५ मत ल्याएर विजयी भएका थिए । ९८९ मत ल्याएर नेपाली काँग्रेसका हृदय नारायण प्रसाद कुर्मी पराजित भएका थिए । प्रदिप भन्दा ४०५ मत बढी ल्याएर हृदय वडा अध्यक्षमा निर्वाचित भएका छन् । हृदयले १५१६ मत पाउँदा प्रदिपले १११६ मत पाएका छन् ।
हृदयले जितेको खुशीमा काँग्रेसले राति नै विजयी जुलुस निकालेको थियो । विजयी ¥यालीमा सहभागी भएकाहरुलाई पराजित प्रदिप समेतका व्यक्तिहरुले लाठिले कुटपिट गरेको सूचना प्रहरीकोमा आएको थियो । सूचना पाए लगत्तै प्रहरीले गरेर घटनालाई शान्त पारेको थियो । घाईते भएकाहरुले भने प्रदिप सहितका मानिसहरु आएर एमालेलाई भोट नहालेर काँग्रेसको विजयी ¥यालीमा गएको भन्दै आफूहरु माथि कुटपिट भएको बताएका छन् ।
प्रहरीले घटनामा संलग्न भएको आरोपमा निवर्तमान वडा अध्यक्ष ४५ वर्षीय प्रदिप सहित तीन जनालाई पक्रेको छ । ३३ वर्षीय नुर महमद र ३५ वर्षीय शर्मा प्रसाद कुशवाहा पनि पक्राउ परेका हुन् ।
घाईतेहरुले घटनामा निवर्तमान वडा अध्यक्ष प्रदिपको प्रत्यक्ष संलग्नता रहेको आरोप लगाएपछि सोधपुछका लागि ल्याईएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले जानकारी दिए । ‘ राति विजयी ¥यालीमा सहभागीलाई पराजित वडा अध्यक्ष सहितका मानिसले कुटपिट गरेको भन्ने खबर आयो । प्रहरी पठाएर स्थिति नियन्त्रणमा लियौं ।’ उनले भने ‘ कुटपीटबाट ६ जना घाईते पनि भएका छन् । घाईतेहरुको भनाईको आधारमा उनी सहित तीन जनालाई नियन्त्रणमा लिएका हौं । संलग्नता थियो, थिएन अनुसन्धान गरिरहेका छौं ।’