सर्लाहीको मलंगवा नगरपालिका(११, गमहरियामा भएको जिप दुर्घटनामा १० जना घाईते भएका छन् । घाईते मध्य तीन जनाको अवस्था गम्भीर रहेको जिल्ला प्रहरी कार्यालय सर्लाहीका प्रवक्ता एवं डिएसपी दिपेन्द्र पंजियारले जानकारी दिए ।
घाईते ७ जनाको अवस्था सामान्य रहेको प्रहरीले जनाएको छ । घाईतेहरूको प्रदेशिक अस्पताल मलंगवामा सामान्य उपचार पछि थप उपचारको लागि अन्यत्र रिफर गरिएको छ ।
घटनामा घाईते भएकाहरू सबै नापी कार्यालय सर्लाहीका कर्मचारी रहेको प्रहरीले जनाएको छ । साझ मलंगवाबाट नवलपुर तर्फ आउदै गरेको जिप उखु बोकेर सोही दिशा तर्फ आउदै गरेको ट्रयाकटर पछाडि ठोक्किएको थियो । दुर्घटनामा परेको जिप क्षतिग्रस्त अवस्थामा छ ।
घाईतेहरूको नाम नापी कार्यालयका प्रमुख संजय माननधर २। बैधनाथ राउत ३। अजय कुमार यादव ४। बैजु यादव ५। रामलाल साह ६। संजिव कुमार मण्डल ७। दिपेन्द्र यादव ८ विनोद घिमिरे ९, शाहिद अनवर १०। रामबाबु राय रहेको छ । घाईते सबैजना नापी कार्यालय सर्लाहीका कर्मचारी रहेको छ ।
