वीरगञ्ज
पर्सा क्षेत्र नम्वर २ (ख) का स्वतन्त्र उम्मेदवार रुपेशमान सिंहले घरदैलो अभियानलाई साँझ पनि निरन्तरता दिएका छन् ।
शुक्रबार साँझ वीरगञ्ज वडा नम्वर ९ रानीघाट र सीडीयो कार्यालय नजिकको क्षेत्रका मतदाताको घरघरमा पुग्दै लालटेन छापमा मतदान गर्न आग्रह गरेका छन् ।
दलहरुको दलदल तोड्दै आफ्नो ठाउँ र समग्र क्षेत्रको विकासका लागि आफूलाई साथ दिन पनि उनले मतदाताहरुलाई आग्रह गरे ।
मतदाताले यस पटक काम गर्छु भनेर आएका स्वतन्त्र उम्मेदवार सिंहलाई नै मतदान गरेर दलका नेतालाई सबक सिकाउने प्रतिकृया दिएका थिए ।
यहाँ मात्रै नभई सबै ठाउँबाट स्वतन्त्र उम्मेदवारलाई जिताउँदै दलको मिलिजुली भागबण्डा तोड्नु अहिलेको आवश्यकता रहेको मतदाताहरुको प्रतिकृया थियो ।
घरदैलोमा पुगेका सिंहलाई मतदाताले फुलमालाले स्वागत गर्दै आउँदो निर्वाचनमा यस अघि जितेर गएका र दलको झण्डा बोकेर आउनेलाई आफूहरुले मत नदिइ यस पटक लालटेनमा मत हाल्ने बताए ।
