मतदाताको समर्थन पाउँदै लौरो उम्मेदवार सर्राफ, भने–‘जनताको आशिर्वाद नै मेरो शक्ति हो’

वीरगंज २३, कार्तिक ।
लौरो चिनाव चिन्ह लिएर पर्सा क्षेत्र नं. १ ‘ख’बाट प्रदेश सभा सदस्यका उम्मेदवार बनेका ओमप्रकाश सर्राफले घरदैलो कार्यक्रममा उत्साहजनक मतदाताको साथ र समर्थन पाईरहेका छन् । वीरगंज महानगरपालिका वडा नं. १५ भिस्वामा आज घरदैलो कार्यक्रममा जनताको उत्साहजनक साथ र समर्थन पाएका थिए ।
कोरोना महामारीमा एक आम समाजसेवीको हैसियतले आफ्ना मतदाताका दुःखमा सधै साथ रही भिजिट मधेशमार्फत पर्यटन, मधेश संस्कृतिको उत्थान लगायतका समाजिक क्षेत्रमा थुप्रै योग्दान पु¥याएर काम गर्दै आएका लौरो उम्मेदवार ओमप्रकाश सर्राफ चुनावको मुखमा उत्साहजनक युवाको साथ र ज्येष्ठ नागरिकको आशिर्वाद पाईरहेका छन् ।
मधेश प्रदेशका मुख्यमन्त्री लालबाबु राउत लडेको यस क्षेत्रबाट कडा प्रतिस्पर्धीको रूपमा रहेका लौरो उम्मेदवार सर्राफप्रति जनलहर बढ्दा जनताको आशिर्वाद नै मेरो शक्ति भएको उनले बताए ।
यस क्षेत्रबाट जितेका मुख्यमन्त्रीले साइकल खरिद, स्वच्छता अभियान, पोखरी सौन्दर्यीकरण, सहिदको शालिक निर्माण लगायतमा कमिसनको लोभमा व्यापक भ्रष्टाचार गरेको तथ्यहरू मतदातालाई बुझाउँदै लौरो छापमा भोट दिन समेत सर्राफले आग्रह गरे । उनले भ्रष्टाचाररहित वीरगंजको विकास र पहिचानको लागि आफूलाई जिताउन मतदातासंग अपिल गरेका थिए ।