सता गठबन्धनको निर्वाचन परिचालन कार्यालय पथलैयामा स्थापना

सिमरा : आसन्न प्रतिनिधि तथा प्रदेश सभा निर्वाचनका लागि बाम लोकतान्त्रिक गठबन्धनको निर्वाचन परिचालन कार्यालय बाराको पथलैयामा उद्घाटन गरिएको छ ।
जीतपुरसिमरा उपमहानगरपालिका १ पथलैयामा गठबन्धनको संयूक्त सम्पर्क कार्यालय स्थापना गरिएको माओबादी केन्द्रका नेता एवं प्रदेश सभा सदस्यका उम्मेदवार क्षेत्रबहादुर श्रेष्ठ(अनिल)ले जानकारी दिए ।
सम्पर्क कार्यालय स्थापनापछि बारा क्षेत्र नम्बर ४ का निर्वाचन गतिविधि तथा मतदाता भेटघाटलाई सहज हुने श्रेष्ठले बताए । कार्यक्रममा प्रतिनिधि सभा सदस्यका उम्मेदवार एवं नेकपा एकिकृत समाजवादी पार्टीका केन्द्रिय कृष्णकुमार श्रेष्ठ, एकिकृत समाजवादीका पोलिटब्युरो सदस्य दिनेश राई, केन्द्रिय सदस्य हिमाल खरेल, विश्वास साह, नेपाली काँग्रेस जीतपुरसिमरा नगर कमिटिका सभापति छवि शर्मा, जीतपुरसिमरा १ का काँग्रेस सभापति रामबहादुर अधिकारी, माओबादी नेता बेनी तिमल्सिना, काँग्रेस नेतृ नारायणी रायमाझी लगायतको उपस्थिती रहेको थियो ।