पर्सा २(ख) का मतदाता भन्छन् स्वतन्त्र उम्मेद्वार सिंहको विकल्प छैन

वीरगञ्ज
दलका उम्मेद्वारलाई भोट दिँदा दिँदा वाक्क भएकी वीरगञ्ज ३ प्रगती नगरकी ६१ वर्षीय प्रतिमा साह अहिले स्वतन्त्र उम्मेद्वारको पक्षमा मत माग्दै घरघर डुलिरहेकी छिन् ।
प्रजातन्त्र पुनः स्थापनापछि अहिलेसम्म दलीय उम्मेद्वारलाई मत दिएर विजयी बनाउँदै आएको भए पनि जितेर गए पछि फर्केर नआउने प्रबृत्तिका कारण अहिले दलीय उम्मेद्वार छाडेर स्वतन्त्र उम्मेद्वार रुपेशमान सिंहको पक्षमा आफू लागेको उनी बताउँछिन् ।
सामाजिक कार्यमा सक्रिय अनि शैक्षिक क्षेत्र सुधारको काममा लागेका सिंहलाई जिताउन पाए यस क्षेत्रको लागि भलो हुने भन्दै उनी घरघर पुगेर मतदातालाई सम्झाउन कस्सिएकी छिन् ।
उनी जस्तै वडा नम्बर १ का ५५ वर्षीय मोहम्मद आलम पनि स्वतन्त्र उम्मेद्वार सिंहलाई जिताउन भन्दै घरदैलो अभियानमा मतदातालाई सम्झाउँदै हिँडिरहेका छन् ।
यस्तै वडा नम्बर २४ की लक्ष्मी देवी चौरसियाले स्वतन्त्र उम्मेद्वार सिंहको विकल्प अरु हुनै नसक्ने भन्दै अमूल्य मतदान खेर जान नदिई सिंहलाई जिताउन आफ्नो ठाउँमा अभियान नै चलाई रहेकी छिन् ।
मतदाता नै सक्रिय भएर सिंहको पक्षमा मतदान आह्वान गर्दै गएको चार दिनदेखि टोलटोलमा पुगेर घरदैलो अभियान गरिरहेको छ ।
बुधबार चौँथो दिन पनि यो अभियान निरन्तर रह्यो । बुधबार बिहान वडा नम्बर ३ को चित्रगुप्त नगर र प्रगती नगरका मतदाताले स्वतन्त्र उम्मेद्वार सिंहलाई घरघरमा स्वागत गर्दै विजयी बनाउन आफ्नो ठाउँबाट लागि पर्ने बताए ।
अभियानमा स्वतन्त्र उम्मेद्वार सिंहको पक्षमा मत मतदान गर्न आग्रह गर्दै सो क्षेत्रका विभिन्न वडाबाट आएका प्रतिनिधि, बुद्धिजिवी, अग्रज, युवा महिलाको सहभागिता रहेको थियो ।