पर्साको धोबीनी गाँउपालिकाको उपाध्यक्षमा पत्रकारले उम्मेदवारी दिएका छन् । धोबीनी गा.पा.को उपाध्यक्षमा पत्रकार आर के (राजा प्रसाद पटेलले) उम्मेदवारी दिएका हुन् ।
पर्सा जिल्लामा विगत २३ वर्ष देखि पत्रकारीता गर्दै आएका पटेलले आफनो गृह पालिका धोबीनी गा.पा. को उपाध्यक्षमा स्वतन्त्र उम्मेदवारका रुपमा मनोनयन दर्ता गराएका हुन् ।
धोबीनी गा.पा.को कार्यालयमा स्थापना गरिएको निर्वाचन अधिकृतको कार्यालयमा आज दिउँसो पटेलले मनोनयन पत्र दर्ता गराएका हुन् ।
दुइ दशक देखि पत्रकारीताको माध्यमबाट ग्रामीण भेगका जनताको आवाज उठाउदै आएको र अब जनताकै बिचमा बसेर सेवा गर्ने उदेश्यले आफुले पालिका उपाध्यक्षमा उम्मेद्वारी दिएको पटेलले बताए ।
पत्रकार पटेल ,वीरगन्जबाट प्रकाशीत हुदै आएको प्रतिक दैनिक पत्रिका र रेडियो वीरगन्जमा कार्यरत छन् ।
आफ्नो प्रतिक्रिया दिनुहोस
