काठमाडौं,१५ जेठ । आइतबार सन्यासको घोषणा गर्दै क्रिकेटर अम्बाती रायडुले आज रातिको आईपीएल फाइनल खेल आफ्नो अन्तिम खेल हुने बताएका छन् । साथै उनले अब यो निर्णयमा यु टर्न नलिने बताए ।
यद्यपि आइपीएल फाइनल आइतबार राति वर्षाका कारण हुन सकेन । फाइनलको लागि रिजर्भ डे राखिएकोले अब फाइनल खेल आज सोमबार पहिलेकै समयमा हुनेछ ।
उनले ट्वीटमा भनेका छन् कि उनले आईपीएलका दुई उत्कृष्ट टोली मुम्बई इन्डियन्स र चेन्नई सुपर किंग्सका लागि १४ सिजनमा २०४ खेल खेलेका छन्। यसबाहेक ११ प्ले अफ, ८ फाइनल खेल र ५ ट्रफी पनि देखेका छन् ।
आफ्नो प्रतिक्रिया दिनुहोस
