खेलकुद । इन्डियन प्रिमियर लिग (आईपीएल) अन्तर्गत आज लिग चरणको ४७ औं खेलमा सनराइजर्स हैदरावाद र कोलकाता नाइट राइडर्स बीच हुँदैछ । खेल हैदरावादको राजीव गान्धी अन्तर्राष्ट्रिय रंगशालामा साँझ ७ः४५ बजे सुरु हुनेछ । हैदरावाद र कोलकाता यो सिजन दोस्रो पटक भिड्दैछन् ।
यसअघि दुवै सिजनको १९औं खेलमा आमनेसामने भएका थिए जसमा हैदरावाद २३ रनले विजयी भएको थियो । उक्त खेलमा ह्यारी ब्रुकले सिजनको पहिलो शतक प्रहार गरेका थिए ।
हैदरावादले यो सिजन अहिलेसम्म खेलेका ८ खेलमा ३ जित र ५ हार बेहोरेको छ । टोलीको जम्मा ६ अंक छ । पछिल्लो खेलमा हैदरावादले दिल्लीलाई ९ रनले पराजित गरेको थियो । टोली हाल अंक तालिकाको नवौं स्थानमा छ ।
कोलकाताविरुद्धको टोलीका ४ विदेशी खेलाडी ह्यारी ब्रुक, एडेन मार्कराम, हेनरिक क्लासेन र अकिल हुसेन हुन सक्छन् । यी बाहेक मयंक मार्कण्डे, राहुल त्रिपाठी र मयंक अग्रवाल जस्ता खेलाडीले टोलीलाई बलियो बनाउँदैछन् ।
कोलकाताले यो सिजन अहिलेसम्म ९ खेल खेलेको छ । जसमा उसले तीन जित र छ खेलमा हार बेहोरेको थियो । केकेआरको अहिले ६ अंक छ । कोलकाता आफ्नो पछिल्लो खेलमा गुजरातसँग पराजित भएको थियो ।
हैदरावादविरुद्धको टोलीका ४ विदेशी खेलाडी रहमानुल्लाह गुरबाज, आन्द्रे रसेल, सुनिल नरिन र डेभिड भिजे हुन सक्छन् । यी बाहेक रिंकु सिंह, वेंकटेश अय्यर र वरुण चक्रवर्ती जस्ता खेलाडीले टोलीलाई बलियो बनाइरहेका छन् ।
हेड टु हेड
कोलकाता नाइट राइडर्सले दुई पटक र सनराइजर्स हैदरावादले एक पटक उपाधि जितेको छ । दुवै टोली २४ पटक आमनेसामने भएका छन् । जसमा कोलकाताले १५ पटक र हैदरावादले ९ पटक जितेको छ ।
राजीव गान्धी क्रिकेट स्टेडियमको पिच सुस्त छ। यस मैदानमा स्पिनरहरूले महत्त्वपूर्ण भूमिका खेल्न सक्छन्। तर, बीचमा केही समय बिताएपछि ब्याट्सम्यानलाई पिचमा रन बनाउन सजिलो हुन्छ ।
दुवै टोलीका सम्भावित प्लेइङ ११
सनराइजर्स हैदरावादः इडेन मार्कराम (कप्तान), ह्यारी ब्रुक, मयंक अग्रवाल, राहुल त्रिपाठी, हेनरिक क्लासेन (विकेटकिपर), अभिषेक शर्मा, अब्दुल समद, अकिल होसेन, भुवनेश्वर कुमार, मयंक मार्कण्डे र उमरान मलिक।
कोलकाता नाइट राइडर्सः नितिश राना (कप्तान), नारायण जगदीशन, रहमानुल्लाह गुरबाज, भेंकटेश अय्यर, आन्द्रे रसेल, सुनील नारायण, रिंकु सिंह, डेभिड भिजे, शार्दुल ठाकुर, हर्षित राना र वरुण चक्रवर्ती।
