वीरगञ्ज,०६ फागुन । भक्तपुरमा जारी अन्तर नगर पुरुष खो खो प्रतियोगितामा वीरगञ्ज महानगरपालिकाले विजयी सुरुवात गरेको छ ।
प्रतियोगिताको दोस्रो दिन शनिबार बिहान भएको खेलमा बनेपा नगरपालिकालाई हराउँदै वीरगञ्ज महानगरले विजयी सुरुवात गरेको हो ।
वीरगञ्ज महानगरले बनेपालाई २३-४ को सोझो सेटमा हराउँदै जित हात पारेको वीरगञ्ज महानगर टिमका लिडर अमित अग्रवालले जानकारी दिए ।
विजयी सुरुवात गरेको वीरगञ्ज महानगरले आजै दिउँसो भक्तपुर नगरपालिका ‘वी’ सँग प्रतिष्पर्धा गर्दै छ ।
भक्तपुर नगरपालिकाको आयोजनामा शुक्रबारदेखि जारी प्रतियोगितामा विभिन्न नगरपालिका तथा महानगर गरी १४ वटा टिम प्रतिस्पर्धामा छन् ।
आफ्नो प्रतिक्रिया दिनुहोस
