वीरगञ्ज – वीरगञ्ज महानगरपालिकाले लगातार तेस्रो पटक प्रथम स्थान हासिल गर्दै राष्ट्रपति रनिङ शिल्ड प्रतियोगिता आफ्नो स्थायी स्वामित्वमा ल्याएको छ। नारायणी रंगशालामा सम्पन्न जिल्ला स्तरीय प्रतियोगितामा महानगरले ३१ स्वर्ण पदक जित्दै उत्कृष्ट प्रदर्शन गरेको हो।
नियमअनुसार तीन वर्ष लगातार उपाधि जितेपछि शिल्ड स्थायी रूपमा राख्न पाउने व्यवस्था छ। सोही आधारमा आइतबार आयोजित कार्यक्रममा शिल्ड महानगर प्रमुख राजेशमान सिंहलाई हस्तान्तरण गरिएको हो।
शिल्ड ग्रहण गर्दै प्रमुख सिंहले ूखेलाडीहरूको मेहनत, समर्पण र निरन्तर अभ्यासकै परिणामस्वरूप यो सफलता हासिल भएकोू बताउँदै खेलकुद क्षेत्रमा अझ थप लगानी गर्ने प्रतिबद्धता जनाए।
कार्यक्रममा प्रमुख प्रशासकीय अधिकृत अरविन्द लाल कर्ण, वडा नं। ५ का अध्यक्ष प्रदिप चौरसिया, प्रशासन प्रमुख सुनिल कर्ण, शिक्षा महाशाखा प्रमुख आनन्द लामिछाने, प्रेस सल्लाहकार नवराज फुयाँल र खेल प्रशिक्षक विश्वेश्वर पटेल लगायतको उपस्थिति थियो।
प्रतियोगितामा पर्सागढी नगरपालिकाले १८ स्वर्ण पदकसहित दोस्रो, र सखुवा प्रसौनी गाउँपालिकाले ४ स्वर्ण पदकसहित तेस्रो स्थान प्राप्त गरेका थिए।
यो उपलब्धिले महानगरको खेलकुदमैत्री नीतिको सफल प्रतिबिम्ब प्रस्तुत गरेको छ। भविष्यमा राष्ट्रिय तथा अन्तर्राष्ट्रिय स्तरमा वीरगञ्जका खेलाडीहरूले सफलता हासिल गर्ने अपेक्षा गरिएको छ।
