रहबर केयरद्धारा निःशुल्क आँखा तथा स्वास्थ्य शिविर,६ सय जनाको आँखा परिक्षण

वीरगंज २५ भदौ ।
रहबर केयर तथा गौतम स्कूलको संयुक्त आयोजनामा शनिवार वीरगंज महानगरपालिका वडा नं. ३१ रहबर केयर मिलन चौकमा निःशुल्क स्वास्थ्य तथा आँखा परिक्षण शिविर सम्पन्न भएको छ ।
माट्रिका आई फाउण्डेशन र गण्डक हस्पिटलको सहयोगमा भएको शिविरबाट करिब पन्द्र सय सर्वसाधारण लाभान्वित भएको आयोजक संस्थाले जनाएको छ ।
रहबर केयरका संचालक तथा नेकपा माओवादी केन्द्रका केन्द्रिय सदस्य रहबर अंसारीले शिविरको अध्यक्षता गर्दै पर्सा जिल्ला तथा देशवासीलाई खुसी, सुखी तथा स्वस्थ्य बनाउने आफ्नो मुख्य उदेश्य रहेको बताउदै जनताको स्वास्थ्य संवेदनशिल विषय भएकोले आफुले अहोरात्र त्यसका निम्ति खटने गरेको बताए । सो कार्यक्रममा प्रमुख अतिथि नेत्र रोग विशेषज्ञ डा. किशोर प्रधानले आ–आफ्ना सान्दर्भीक भनाईहरु राखेका थिए । मिलान चोक केयरका मैनेजर कुदर्नैन अन्सरीले
आँखा शिविरमा करिब ६ सय जनाको आँखा परिक्षण गरिएकोमा करिब एक सय जनामा मोतियाबिन्दू फेला परेको जनाईएको छ । त्यसैगरी स्वास्थ्य शिविरमा हार्डजोनी तथा नशा, छाती तथा मुटुरोग, स्त्री तथा प्रसुती रोग लगायतका रोगहरुको परिक्षण गरिएको थियो ।शिविरमा स्वास्थ्य तथा आाँखा परिक्षण गराएकाहरुलाई निःशुल्क रुपमा औषधि समेत वितरण गरिएको थियो । शिविरमा गौतम स्कूलका छात्र छात्राहरुले भोलेनटियरको रुपमा सहयोग गरेका थिए ।
सो शिविरमा रामवन, टेढा, परसवा, चोर्नी, मिलनचौक, बेल्वा, ईस्लामपुर, भेडियाही, सोलखपुर, पसुरामपुर, प्रसौनी, लालपपर्सा, प्रसोतीपुर, कोनिया लगायतका गाँउका सर्वसाधारणहरुले सेवा लिएको आयोजक संस्थाले जनाएको छ । शिविरबाट लाभान्वितहरुले आयोजक संस्था र आयोजक संस्था रहबर केयरका संचालक रहबर अंसारी प्रति आभार प्रकट गरेका थिए ।